دڪتور تڪفى مَ نبي نڪون [شَخصيْن]

؛

/

دڪتور يالله جهّز الغرفه ألحين
وناد استشاريين علم الجراحه

بنجيڪ أنا واللي عشقته من سنين
من بـعدنا ماشافت العين راحه

دڪتور تڪفى مانبي نڪون شخصين 
شف لك طريقه تختصر هالمساحه


مابي تخلّي بيننا يسار ويمين
ادمج بعضنا ببعض لوهي إباحه

ماألومك إليا قلت عنّا مجانين 
العقل راح وسمّح الله مراحه

حنا نتبنّج من تجي العين بالعين
ماحنّا بحاجه للمخدر صراحه

دڪتور لحظه بس تبي تبدي من إين
أبيڪ تبدى فيّ ما أقوى صياحه

ما أقوى نزيف الدم من ناس غالين 
وما أقوى على دمعه بحزة مطاحه

دڪتور تڪفى بس أعلمك بأمرين
ودي صباحي مايفارق صباحه

هَالآدمي يسوى بعيني ملايين
حڪمت قلبه واستطعت اڪتساحه

لڪن أمانه تبتدي فيني ألحين
حاول تخيّطنا بسلڪ الجراحه